Somalida Gobalka Western Cape ee South Africa oo far’xad ku ciiday Geeri Naxdin leh kadib
Posted by mohamed on September 20 2009 16:25:49
Iyadoo maanta Dunida dacaladeeda looga damaashaadayay u dabaaldaga Ciidulfitriga ayaa waxaa goobta Saladaa ciida lagu tukado oo kutaala Xafaada Bellville ay sida Rasmiga ah Somalidu ooga dagantahay Magadaalada Cape Town ee wadanka south Africa waxaa isgu yimid dad lagu qiyaasay 3000 oo isugu jira Rag Dumar iyo Caruur oo wajiyadooda ka muuqatay Farxad aad u balaadhan.
Extended News
Somalida Gobalka Western Cape ee South Africa oo far’xad ku ciiday Geeri Naxdin leh kadib

Iyadoo maanta Dunida dacaladeeda looga damaashaadayay u dabaaldaga Ciidulfitriga ayaa waxaa goobta Saladaa ciida lagu tukado oo kutaala Xafaada Bellville ay sida Rasmiga ah Somalidu ooga dagantahay Magadaalada Cape Town ee wadanka south Africa waxaa isgu yimid dad lagu qiyaasay 3000 oo isugu jira Rag Dumar iyo Caruur oo wajiyadooda ka muuqatay Farxad aad u balaadhan Kadib markay soo dhamaysteen waajibaadkii Bisha Barakaysann ee Ramadaan waxaana maanta Hogaaminayay munaasabadan Sheekh Cabdullahi oo ah Imaamka Majaajidka Sunah ee Xaafada Bellville iyo Xubna ka mid ah Gudida markiska Dacwada ee Gobalkan Western Cape oo ay ka mid ahaayeen Sheekh Xuseen Shibli ,Sheekh Bahjudiin , iyo Sheekh Xuseen Nageeye oo dhamaantood Meesha ka soo jeediyay Khudbado dhaxal gal ah iyagoo Faahfaahin dheer Kabixiyay Waxqabadka xafiisaka dacwada muda sanad ah .

Waxaana ka mid ahaa in lamuslimayay 227 qof oo heestay diina kale kolkoodii hore dadkaas oo si wanaagsan loo baro diinta islaamka lana quudiyo sidoo kale wax Barasho loodiray 10 arday laguna Raja weyn yahay in Masaajid mug weyn loodhiso Somalida Ku dhaqan Nawaxaaxiga Magaalaada Cape Town oo hada kutukata Masaajid aad cidhiidhi U ah waxay Dadku sadaqaysanayeen lacago loogu deeqay Markizka dacwada ee Gobalka Western Cape oo Runtii dadku ay aad ooga maqsuudeen shaqooyinka uu soo qabtay muda sanad ah iyo kuwa uu ku guda jiro kadib Waxaa la tukaday Salaadi ciida waxaana Khubad dheer oo dhinacya badan taabanasay Soo jeediyay imam Sheekh Cabdullahi wuxuuna si gaar ah sheekhu u wacdiyay Boqolaal Dumar ah oo salaada ciida Kasoo qayb galay isagoo sheegay in Rasuulku SCW uu gaar u wacdiyay

Dumarka una sheegay in ay u bateen Naarta laba arimood oo jira owgood waa mida koobaad e waxaad Badisaan naclada iyo ta labaad oo ah Xanta isagoo sidoo kale Baraarujiyay in Rag iyo Dumarba la iska ilaaliyo in Ceebaha dad ka musliminta ah la raaacraaco in la ilaaliyo Xuquuqda dariska iyo ta waalidiinta intaba .

Si kastaba ahatee Ciidan ayaa ahayd mid aad dadka ooga mooqatay Farxad wallow ay wali dadka ka qaarkood la murugaysnaayeen Dilkii fooshaxumaa ee loogastay Marxuun Maxamuud Maxamed Cabdi (Jabuubti) Maalintii khamiista ee la soo dhaafay halkaas ooy tuuga hubaysan ay Qudha kajareen marxuunka xili uu dajinayay Baabuur uu adeeg ugu waday Dukaan uu kulahaa Tuulada Mfuleni ee duleedka magaaladan Cape Town kadibna maydkiisa ay kula tageen Baabuurkii ayna ku tureen Meel cidla ah .

Nasiib wanaag waxaa la qabtay Tuugadii dishay muwaadinkan Somaliyeed oo ahaa 3 Nin oo u dhalatay Dalkan South Africa Kadib markii la helay Macluumaad sheegaya halka uu ku sugan yahay Baabuurkii lagu afduubay maydka Marxuun ka kaas oo ahaa aalada loo yaqaano Tracker oo kujiray Baaburkan lagula tagay maydka waxayna Tukadii tuseen Police ka goobtii ay maydka ku tureen isagoo lagu aasay marxuunka Qubuuraha Mowbary maalinti Jumcada waxaana Barri oo isniin ah maxakamad lasootagayaa ragii Dilkan gaystay .

Somalida Gobalkan Western Cape ayaa lagu wadaa inay Mudahaarad ka horsameeyaan Maxkamada si aan dan biilayaashan loogu soo daynin Cudhaadh ama bail sida inta Badan ka dhacda wadankan South Africa .

Xadiis Xaaji Aadan, Ogadentoday Cape Town